tg-me.com/omFeras2/11174
Last Update:
☘قصيده للسيده نرجس ع☘
انعازي مهدينه/ الله يئآجره
ونواسی مولانه /بامه الطاهره
ساعد الله گليبه بهذا المصاب
رادته امه ومارجع من الغياب
بينهه وبينه الولد صاير حجاب
تنتظر جيته بقت و مساهره...
نعازي مهدينه/ الله يئآجره
ظلت تلوب المليكه وتنتحب
اتكول اريد وليدي دمعتهه تصب
تدري يم الباري خافيته الحُجُب
بحكم ربها راضيه ب لي جره...
نعازي مهدينه/ الله يئآجره
بت ملوك وشافت الي شافته
بظلم وبجور العمر من عاشته
احتضرت وصاحت يمهدي ونادته
تعالج وجتهه المنيه /مناطره...
نعازي مهدينه/ الله يئآجره
گامت تودع بهلهه الطيبين
للسمه من سلهمت دارت العين
ودعتّه المهدي بشوگ وحنين
وسلمتهه والنعش /بيهه سره...
نعازي مهدينه/ الله يئآجره
هذا الوحيد ابنها المنتضر
وبامر ربه على الفرگه صبر
بيوم دفنتها ولينه ماحضر
راحت وماشافته/هل الصابره...
نعازي مهدينه/ الله يئآجره
٢١/شوال/١٤٤٢
✍️بقلم شاعرة اهل البيت عليهم السلام
☘️ام فراس الساعدي☘️
غير مبري الذمه لكل من يغيير الاسم او ياخذ كلمات القصيده وينسبها اليه
https://www.tg-me.com/ar/خادمة البتول/com.omFeras2
BY خادمة البتول
Share with your friend now:
tg-me.com/omFeras2/11174